БАЯНГОЛ ДҮҮРГИЙН ИТХ, ЯПОНЫ АНАН ХОТТОЙ ХАМТЫН АЖИЛЛАГАА ЭХЛҮҮЛЛЭЭ
Баянгол дүүргийн иргэдийн Төлөөлөгчдийн Хурлын дарга Б.Сэмжидмаа, Японы Анан хотын дарга Омотэхара Тацүма нар хоёр талын хамтын ажиллагааны эхлэлийг тавьж, цаашдын харилцааны талаар санал солилцлоо.
Анан хот Токушима мужийн зүүн өмнөд хэсэгт оршдог бөгөөд Шикоку арлын хамгийн зүүн хэсэгт байрладаг. Хуучин цайз хот байсан Токушима дүүрэг, боомт хот болох Тачибана дүүрэг гэсэн хоёр үндсэн төвтэй. 1958 оны 05 дугаар сарын 01-нд хоёр хот нэгдэж Анан хэмээн нэрийджээ. Мөн 2006 оны 03 дугаар сарын 20-нд Ханура, Накагава хотуудыг нэгтгэсэн байна. Анан хот нь дэлхийд лед гэрэл үйлдвэрлэлийн өлгий нутаг, байгалийн үзэсгэлэнт газруудаараа алдартай. Энэ хотод Тийболын спорт өндөр хөгжжээ.
